Былтыр іске қосылған Қордай-Шу табиғи газ магистралі бойындағы елді мекендерді газдандыру ісі жалғасын табуда. Енді «ҚордайГазИнвест» ЖШС арқылы аудан орталығына жақын Ноғайбай ауылдық округіне қарасты үш ауылға газ құбырын тартудың жобалық-сметалық құжаттары әзірленіп жатқаны белгілі болды. Таяу болашақта, тіпті, сонау Қаракемер, Масаншы, Қарасайға дейінгі «колхоздар» аймағындағы елді мекендерге де «көгілдір отынды» құбырмен жеткізудің мүмкіндіктері қарастырылуда.