«Ешкімнің ісіне араласпайтын»

Жігіт кішкентай баланың кәмпит жеп отырғанына қарап отыр. Бала он шақты кәмпит жегеннен кейін, әлгі бозбала шыдай алмай: – Әй, бала, көп кәмпит жеудің денсаулыққа зиян екенін білетін шығарсың? – Ал, менің атам 105-ке дейін өмір сүріпті. – Ол да көп кәмпит жеген бе? – Жоқ, ол біреудің ісіне араласпайтын.

Жүк

Оқудан демалысқа шығып, ауылына асыққан жігіт такси тоқтатады. – Вокзалға дейін қанша аласыз? – Екі мың теңге. – Ал мына жүктеріме қанша төлеймін? – Багаж тегін ғой бізде. – Онда жүгімді ала кетіңізші!Мен артыңыздан трамваймен жетемін.

«Тыңдап отырмын»

– Студент Алпысбаев, сіз мені неге тыңдамай отырсыз? – дейді профессор. – Мен сізді тыңдап отырмын, профессор, – дейді студент бой бермей. – Олай болса менің соңғы айтқандарымды қайталаңыз. – «Студент Алпысбаев, сіз мені неге тыңдамай отырсыз?».

SMS-хат

Жігіт қызға sms-хат жолдауда: «Мына абонент «Маған тұрмысқа шығасыз ба?, – деп сұрайды». Қыздың жауабы: «Сіздің бұл операцияны жүзеге асыруға қаражатыңыз жеткіліксіз». «Трагедия» Қыз бен жігіт кинотеатрда махаббат туралы фильм көріп отыр. Қыз: – Қалай ойлайсың, бұл екеуі соңында үйлене ме? Жігіт: – Әрине!Барлық кинолар осындай «трагедиямен» аяқталады ғой.