«Болашаққа бағдар: рухани жаңғыру» бағдарламасы шеңберінде облыс әкімдігінің дене шынықтыру және спорт басқармасының ұйымдастыруымен «Аула ойындары - 2023» спорттық фестивалінің ақтық кезеңі өтті. 500-ге жуық әуесқой спортшы қатысқан айтулы шара аймақ тұрғындарын спортқа баулуға, бұқаралық спортты дамытуға бағытталды. Фестивальға ауданнан іріктеуден өткен 42 спортшы қатысып, қалашық, орта доп, секірмек, асық ату, ләңгі тебу секілді спорт түрлері бойынша сынға түсті. Нәтижесінде, ауданның спортшылары асық ату мен секірмектен екінші, қалашық ойынынан үшінші орынға ие болды. Ал, жалпыкомандалық есепте төртінші орынға тұрақтады.  

Дайындаған Есен ӨТЕУЛІ