Көлқайнар ауылдық округінің Тастөбе ауылында 20 келушіге арналған фельдшерлік-акушерлік пункті ашылды. Салтанатты рәсім үстінде аудан әкімі Рүстем Дәулет ауыл халқының қуанышын бөлісіп, «Саламатты, дені сау ұлт қалыптастыру жолында елімізде, облысымызда, соның ішінде біздің ауданда жасалып жатқан игі істердің барлығы сіздер үшін, жастардың болашағы үшін», – деп мерекемен құттықтады. Тұрғындар атынан сөз алған ақсақал Амангелді Омаров ауылдастарының алғысын білдірді.