«Анаға тағзым» орталығы қыз балаларға рухани, адамгершілік тәрбие берумен қатар, әйел-аналарға белгілі бір кәсіпті игеруге қолдау көрсетеді. Атап айтқанда, орталықта қыз-келіншектерге арналған түрлі курстар бар. -«Бойтұмар» қолөнер және дизайн студиясы /құрақ құрау, киім тігу және пішу, дамыту ойыншықтары / -«Береке» аспаздық студиясы /аспаздық және кондитерлік/ -«Шолпы» сұлулық студиясы /«Бет әрлеу шебері» және «тырнақ әрлеу шебері»/ курстары бойынша білім алып, өз кәсіптерін ашуға мүмкіндік алады. Оған көп балалы, толық емес отбасы, аз қамтылған, мүгедек балаларды тәрбиелеп отырған отбасыларының (бұдан әрі – азаматтардың жекеленген санаттары) мүшелері қатысып, тегін оқытылады. Осылайша, отбасының әлеуметтік әлеуетін арттыру, әйел-аналардың өмір сүру сапасын жақсарту, қазақстандық отбасы институтын нығайту аясында жұмыс жүргізіледі.  

Жамбыл облысы әкімдігінің баспасөз қызметі