Жаңалықтар
Елена Рыбакина Майами мастерс турнирінің финалында жеңілді
- author «Ақ жол»
- 2 сәуір, 2023
- 219
![Елена Рыбакина Майами мастерс турнирінің финалында жеңілді](https://aqjolgazet.kz/uploads/resized-images/2023/04/a38a33cc-d45d-441f-a8b5-da662ca5977d.jpeg)
Елена Рыбакина Майами мастерс турнирінің финалында жеңілді
Қазақстанның бірінші, әлемнің 7-ракеткасы Елена Рыбакина Майами WTA 1000 турнирінің финалында жеңіліп қалды. Бұл туралы Egemen.kz. ақапараттық порталы хабарлады.
Қазақстандық теннисші финалда әлемнің 12-ракеткасы, чехиялық Петра Квитовамен кездесті.
Қарсыластар осыған дейін екі мәрте кездесіп, бір-бірден жеңіске жеткен еді.
Бұл жолы бірінші партияда есеп 4:4 болған сәтте чехиялық теннисші брейк жасап кеткенімен, Елена сол бойда таразы басын теңестірді – 5:5. Аса тартысты өткен тай-брейкте ол бес сет-пойнтты пайдалана алмады – 6:7 (14:16). 1 сағат 6 минутқа созылған бірінші сеттің өзінде Е.Рыбакина 10 эйс жасап үлгерді.
Екінші сетте П.Квитова брейкпен алға озды – 2:0. Ақыры ол доданы тағы бір брейкпен түйіндеді – 6:2.
Осылайша, Елена Рыбакина Майами мастерс жарысының финалына жетіп, жеңіліс тапты.
1 сағат 42 минутқа созылған матчта қазақстандық теннисші 12 эйс жасап, 2 брейк-пойнттың біреуін өз есебіне жазды. Қарсыласы 5 эйс, 3 брейкпен (8 брейк-пойнт) көзге түсті.
Aq jol. kz
Ұқсас жаңалықтар
Мойынқұм ауданының әкімі тағайындалды
- 6 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді