Жаратқанға, бүр жарған тіршілікке разылығымызды білдіріп, шуақты күн көзінен мейірім ала білейік. Наурыз айы туғанда, халық мәре-сәре күй кешіп, көктемнен-көктемге жеткен ыстық құшақтарын жайып, шүкір етеді. Мен де көктемнің көңілді күніне орай өз алғысымды барша жер бетін мекен еткен жандарға білдіргім келеді. Ең алдымен тоғыз ай он күн көтерген аналарға барша жер бетіндегі ұл-қыздардың атынан алғыс айтқым келеді. Одан кейін қамқорлық танытып, арқамыздан қағып өсірген әкелерге ризалығымды білдіремін. Артымызда қалдырар із сыйлаған жұптарымызға да мың рақмет! Сан тарау жолымызды бірге өткізіп, күз бен қыстың суығында қасқайып қасымызда жүрген әріптестеріме алғыс айтқым келеді. Әсіресе, осы тілектерімді жеткізіп, барша оқырмандармен бөлісіп отырған «Aq jol» газетінің ұжымына ең ерекше алғысымды жолдаймын!  

Әсет БЕКТАЕВ,

Ішкі істер министрлігі қылмыстық атқару жүйесі комитетінің 58 республикалық мекеме бастығының орынбасары, әділет подполковнигі.