![Оқушылар IX-XII ғасырға тән бұйым тауып алды](https://aqjolgazet.kz/uploads/resized-images/2023/02/7cbd779e-685e-4820-85cd-c4b282259996.jpeg)
Оқушылар IX-XII ғасырға тән бұйым тауып алды
Қаракемер ауылының екі оқушысы көне құмыра тауып алды. Археологтардың айтуынша, қола әшекейлері бар бұл жәдігер біздің дәуіріміздің ІХ-ХІІ ғасырларына жатады. Енді мамандар тарихи олжа орнында зерттеу жұмыстарын жүргізбек. Былтыр көктемде Төле би атындағы орта мектептің 8-сынып оқушысы Артем Муравьев төбеде ойнап жүріп, байқаусызда таңбалары мен керамикалық бұйымдары бар білезікті тауып алады. Біраз уақыттан кейін 6-сынып оқушысы Жұмабай Қасымхан қола сырғалар мен білезіктер тапты. Тарихи олжа туралы ұлдар бірден ересектерге айтып берген. Жергілікті мектепте осындай жәдігерлер қойылған бұрыш та бар.
«Мен оны достарыммен ойнап жүріп таптым. Ішінде бірнәрсе жылтырап тұрды. Кейін мен оны қазып алуға тырыстым. Қарап шықтым, қызық деп ойлап мектепке апардым», – дейді Артем Муравьев.
Ғалымдар IX ғасырда бұл жерлерді Қарлұқ қағанаты билесе, бір ғасырдан кейін Қарахандар келгенін айтады.
«Төрткүл төбесінен ауылымыздың әсем көрінісі көрінеді. Сол жерге көтеріліп, аяғымның астынан осы тарихи жәдігерді байқап, мектепке апардым»,– дейді Жұмабай Қасымхан жәдігер туралы сөз қозғап.
Бұл төбе Ұлы Жібек жолының бас тармағы болмаса да, қосалқы тармағында орналасқан «Адахнет» деген елді мекен. Археологтардың айтуынша, уақытында бұл орында сауда жақсы дамыған.
«Бұл жерде әлі зерттеу жұмыстары жүргізілген жоқ. Бірақ жергілікті тұрғындар тапқан жәдігерлерге сүйенсек, бұл елді мекен біздің дәуіріміздің ІХ-ХІІ ғасырларында болған деп айта аламыз», – дейді тарихшы Сауран Қалиев. Мамандар құмыраның жақсы сақталғанына қарап, зерттеу жұмыстарын жүргізуді жоспарлап отыр.
Ақжігіт ЖЕТПІСБАЙ,
журналист.
Жамбыл ауданы
Ұқсас жаңалықтар
Мойынқұм ауданының әкімі тағайындалды
- 6 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді