Парламент Сенаты депутаттарының сайлауы 2023 жылы 14 қаңтарда өтеді. Тиісті жарлыққа 26 қарашада қол қойған Мемлекет басшысы Қасым-Жомарт Тоқаев саяси жаңғыру үдерісі жоспарлы түрде жалғасатынын атап өткен болатын. Президенттің айтуынша, сайлау қорытындысы бойынша Сенаттың депутаттық корпусының бір бөлігі бәсекелестік және ашықтық қағидаттары негізінде жаңарады. Сенат сайлауында заңға сәйкес азаматтар емес, мәслихат депутаттары дауыс береді.