Жамбастың шамадан тыс сынуы – ауыр жарақат. Мұндай жарақат алушы пациенттердің шамамен 70 пайызы 60 жастан асқан адамдар. Мұндай зақым жамбас мойнының сынуымен салыстырғанда қолайлы деп саналады. Дегенмен қартайған кездегі мұндай ауыр жарақаттар, тіпті жақсы емдеу перспективалары болса да үлкен қауіп төндіреді. Ұзақ уақыт бойы қозғалмау көбінесе ауыр асқынулардың дамуына, бұрыннан бар созылмалы аурулардың өршуіне және тіпті өлімге әкелуі де мүмкін. Сондықтан пациенттің жағдайы мен жасын ескере отырып, емдеу тактикасын таңдау – өте маңызды. Жедел медициналық жәрдем көлігі Шу қалалық ауруханасына 89 жастағы әйелді жеткізді. Ол сол жақ жамбас буынының проекциясы аймағында айқын ауырсыну болғанын айтқан. Анамнезден туындаған шағымдар нәтижесінде үйдегі орындықтан құлағандығы белгілі болды. Науқас тек біреудің көмегімен ғана орнынан көтеріле алды. Жедел жәрдем арқылы келген оны дәрігерлер ауруханаға жатқызу туралы шешім қабылдаған. Қабылдау бөлімінің ортопед-травматологы пациентті тексергеннен кейін оған сол жақ жамбас сүйегінің жабық сынуы диагнозын қойды. Науқас операция алдындағы тексеру және дайындық үшін бейінді бөлімшеге жатқызылды. Науқастың жасы мен жағдайын ескере отырып, бөлімшенің травматологы Кахарман Сафаров сынықтың остеосинтезін DHS жүйесімен, ерте белсендірумен және қысымның алдын алу арқылы жасау туралы шешім қабылдады. Бақылау рентгенографиясында сүйек фрагменттерінің жақсы тұруы, остеосинтездің тұрақтылығы байқалды. Шұғыл жасалған отадан кейінгі үшінші күні науқас өзгенің көмегімен жүре алатын жағдайға жетті. Әже дәрігерлерге білікті медициналық көмегі мен өзін аяқтан тұрғызғаны үшін алғысын білдіріп, батасын берді. Тұрақты оң динамикаға байланысты бүгінде қария үйіне шығарылды. Бұл клиникалық жағдай – пациентті мүмкіндігінше тез қимылдауға, өсіп келе жатқан гиподинамияны, ауырсыну синдромын, сондай-ақ сынудың осы түрімен байланысты қауіптер мен асқынуларды болдырмауға мүмкіндік беретінін көрсетеді.  

Облыс әкімдігі денсаулық сақтау басқармасының баспасөз қызметі.