Отар 40-шы әскери базасында жас жауынгерлердің күзгі ант қабылдау рәсімі өтті. Еліміздің әр түкпірінен міндетті әскери борышын өтеуге шақырылған төрт жүзден астам жас сарбаздар Отан қорғау қызметін адал атқаруға ант берді. Салтанатты шараға ҚР Қарулы Күштері «Оңтүстік» өңірлік қолбасшылығы әскерлерінің қолбасшысы, генерал-майор Талғат Қойбақов, ҚР Бас әскери прокуроры, әділет генерал-лейтенанты Ерғали Мерзадинов, Отар әскери базасының бастығы, полковник Дулат Адырбеков, Ұлы Отан соғысы және Ауған соғысының ардагерлері, аудан әкімдігінің өкілдері, ата-аналар қатысты.