Елімізде 20 қараша кезектен тыс Президент сайлауы тағайындалғаны белгілі. Айрықша маңызға ие саяси науқанға ҚАЖ саласының қызметкерлері де бір кісідей атсалысып, тарихи шарадан шет қалмады. Өңірлік ҚАЖ департаментіне бағынысты №26 түзеу мекемесінің басшы және жеке құрам қызметкерлері таңсәріден тұрып, облыс орталығындағы сайлау учаскелеріне барып өз таңдауларын жасады. - Бүгін еліміз үшін маңызды саяси күн. Дауыс беруге халықтың көптеп қатысуы - сайлаудың әділ өтуіне кепіл болады. Яғни, әрбір азаматтың сайлауға қатысуы елдің дамуына, келешегіміздің кемел болуына ықпал етеді. Біз, ҚАЖ қызметкерлері егемен еліміздің болашағы үшін дауыс бердік. Лайықты кандидатты таңдадық, - деді мекеме бастығы әділет подполковнигі Нұржан Кузембаев.