Жаңалықтар
Қарақат Әбденнің сайлауалды сапары Түркістанда жалғасты
- author «Ақ жол»
- 17 қараша, 2022
- 279
Қарақат Әбденнің сайлауалды сапары Түркістанда жалғасты
ҚР Президенттігіне кандидат Қарақат Әбденнің Түркістан облысындағы сайлауалды сапары жалғасуда. Ол сапар барысындаТүркістан қаласының жұртшылығымен жүздесіп, өзінің сайлауалды бағдарламасын таныстырды. Кездесу барысында қоғамдағы өзекті сұрақтар мен туризм саласын дамыту мәселелері талқыланды. Қарақат Әбден атап өткендей, тарихи-мәдени ескерткіштер мен мәдени мұра нысандары көп шоғырланған Түркістан шаһарының туризмді дамытуда әлеуеті зор.
«Түркістан – барша түркі халықтарына ортақ, әлемге әйгілі қасиетті жер. Ежелден-ақ «екінші Мекке» деп атанып кеткен қазақтың рухани астанасы көптеген саяхаттаушылардың қызығушылығына ие болып отыр. Түркістанның тарихи маңызын және осы өңірде шоғырланған киелі жерлердің көп екендігін ескере келе, алкогольді ішімдіктерді сатудан бас тартқан алғашқы қалалардың бірі атануына барлық мүмкіндіктер бар», – деді Қ.Әбден.
Кездесуге сондай-ақ өңірлік туризм саласының өкілдері қатысып, бұл бағыттың өзекті сұрақтарын ортаға салды. «Бізге шетелден көп туристер келеді, бірақ ішкі туризм нарығын да дамыту керек. Бұл салада біз тарихи және ұлттық құндылықтарға көп көңіл бөліп жүрген кандидаттың бағытын қолдаймыз. Бұдан бөлек, аймақтың инфрақұрылымын да назардан тыс қалдырмаған жөн», – деп бөлісті туристік компанияның өкілі Мөлдір Мәлібекова.
Еске салсақ, елімізде 20 қараша күні кезектен тыс Президент сайлауы өтеді. Кандидат Қарақат Әбден ел аймақтарын аралап, 9 облыста 30-дан астам кездесу өткізді. Алдағы уақытта ол облысымыздың сайлаушыларымен жүздеспек.
Ұқсас жаңалықтар
Жамбыл облысы әкімі аппараты басшысының жаңа орынбасары тағайындалды
- 20 қыркүйек, 2024
АЭС – маңызды шешімдер кезеңі
- 20 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді