Басты жаңалық
ҚР ИИДМ: пилотсыз басқарылатын ұшу аппараттары үшін жаңа талаптар енгізіледі
- author «Ақ жол»
- 4 қараша, 2022
- 207
![ҚР ИИДМ: пилотсыз басқарылатын ұшу аппараттары үшін жаңа талаптар енгізіледі](https://aqjolgazet.kz/uploads/resized-images/2022/11/pilotsyz.jpg)
ҚР ИИДМ: пилотсыз басқарылатын ұшу аппараттары үшін жаңа талаптар енгізіледі
«Ашық сағат алаңы» аясында ҚР ИИДМ Азаматтық авиация комитеті пилотсыз ұшу аппараттарын пайдалану турасындағы мәселелерге арналған жиын өткізді.
Басқосуға салалық мемлекеттік орган өкілдері мен «Қазақстанның авиация әкімшілігі» АҚ басшылары, кәсіпкерлер және Қазақстан Ұшқышсыз ұшу аппараттары қауымдастығының жетекшілері қатысты.
ҚР ИИДМ Азаматтық авиация комитеті төрағасының орынбасары Ардақ Өтеповтің айтуынша, соңғы уақытта әуесқой және коммерциялық мақсаттағы аэрофототүсірілім барысында және түрлі тауарларды жеткізу және кәсіби талдау жұмыстары кезінде пилотсыз ұшу аппараттары кеңінен қолданыла бастады. Дрондарды пайдаланушылардың қатары артқан сайын оларды тіркеу мен ұшу аппараттарын тиімді пайдалану ережесі туралы мәселе көтерілуде.
«Қазақстанның авиация әкімшілігі ұшу аппараттарын тіркеуге алу, оларды алғашқы даярлықтан өткізу және сертификат беру, сонымен қатар халық тығыз қоныстанған қалалық аудандарда, кенттер мен елді мекендерде ұшуға рұқсатнама беру жұмыстарын іске асырады», – деді Ардақ Өтепов.Бүгінде еліміз бойынша 301 пилотсыз ұшу аппараттары есепке алынған. 2021-2022 жылдары ұшқышсыз басқарылатын ұшу аппараттарына 223 сертификат, авиациялық жұмыстарға рұқсат беретін 34 құжат және халық тығыз қоныстанған аудандарда ұшуға рұқсат беретін 20 құжат берілген. Биыл Қазақстанның әуе кеңістігін пайдалану туралы заңнамаға бірқатар түзету енгізілмек. Оның шеңберінде ұшқышсыз басқарылатын ұшу аппараттарына жаңа талаптар да қарастырылған. Атап айтқанда, пилотсыз ұшу құрылғыларына арналған арнайы аймақ пен пилотсыз аппараттардың ұшуына шектеу қоятын аймақ енгізілмек.
Ұқсас жаңалықтар
Жамбылдықтар жаппай сенбілікке шықты
- 6 сәуір, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді