Гүлбаршын Қайратқызы Құланбаева «JAMBYL» телеарнасының директоры болып тағайындалды. Гүлбаршын Қайратқызы 2001-2006 жылдары М.Х.Дулати атындағы ТарМУ- нің «Әлем тілдері» факультетінде оқып, бітірген. Еңбек жолын 2005 жылы «Қазақстан Республикалық телерадиокорпорациясы» АҚ Жамбыл облыстық филиалында редактор болып бастаған. 2014 жылға дейін аталған мекемеде аға редактор, шеф редактор қызметтерін атқарған. 2014-2018 жылдары Жамбыл облысы әкімінің аппараты баспасөз қызметінің бас маманы, баспасөз қызметінің жетекшісі болып еңбек еткен. 2018 жылы Жамбыл облысы әкімдігі тілдерді дамыту басқармасының мониторинг және талдау бөлімінің басшысы болып жұмыс істеді. 2019 жылы «ZhambylNews» ақпараттық агенттігінің бас редакторы қызметін атқарған. Г. Құланбаева Жамбыл облысы әкімінің Алғыс хаты, «Жамбыл облысына сіңірген еңбегі үшін» төсбелгісі, «Қазақстан халқы Ассамблеясына 25 жыл» мерекелік медалімен марапатталған.