Ақтау қаласында ұйымдастырылған бокстан ересектер арасындағы Шоқыр Бөлтекұлын еске алуға арналған XIV халықаралық турнир өз мәресіне жетті. Шаршы алаң бәсекесінде Тайланд, Моңғолия, Өзбекстан, Тәжікстан, Әзірбайжан, Қырғызстан және Қазақстан Республикасының боксшылары бақ сынады. Байрақты бәсекеде жамбылдық былғары қолғап шеберлері 1 алтын, 2 күміс жүлдеге ие болды. Атап өтер болсақ, 75 келі салмақ дәрежесінде Диас Молжігітов жеңімпаз атанса, Ернұр Сүйінбай (67 келі) мен Бибарыс Жексен (57 келі) күміс жүлдеге қол жеткізді. Жаттықтырушылар – Ғайни Ашкеев, Нұржан Қондыбаев және Еркебұлан Тулебеков.