Күзгі әскерге шақыру науқанына жүзге тарта қордайлық жастар тартылуда. Олардың алғашқы легі Отан қорғау қызметіне салтанатты түрде шығарып салынды. Орталық алаңда сапқа тұрған болашақ сарбаздар алдында аудан әкімінің орынбасары Б. Жаманкөзов, аудандық қорғаныс істері бөлімінің бастығы М. Сейсенбаев, Отардағы «40-шы әскери базасының», Қордайдағы № 2038 шекаралық әскери бөлімінің басшылары, Ұлы Отан соғысының және Ауған соғысының ардагерлері, әскерге шақырылушылардың ата-аналары олардың Отан алдындағы борышын абыроймен атқарып, әскери қызметте шыңдалған лайықты азаматтар болып оралуына бата тілектерін білдірді. Аудан өнерпаздары шағын концерт қойды.