Мемлекет басшысының «Әкімдердің халықпен кездесулерін өткізу туралы» Жарлығына сәйкес облыс əкімі Нұржан Нұржігітов Жуалы ауданында болып Билікөл мен Нұрлыкент ауылдық округіндегі Қарабастау жəне Нұрлыкент ауылдарының тұрғындарымен кездесті. Қос ауыл тұрғындарымен кездесу барысында ауыл тұрғындары тарапынан көп сұрақ қойылды. Қойылған сұрақтар табиғи газ тарту, жайылым, ағын су мəселесін шешуге құрылған. Жуалы халқының билікке айтар базынасын тыңдап, елдің мәселесіне үңілген өңір басшысы айтылған әрбір өтінішке қатысты тиісті мамандарға нақты тапсырма жүктеді. Аймақ басшысы тұрғындар тарапынан қойылған барлық сұраққа жан-жақты жауап берді. Соңынан ауыл тұрғындарын жеке сұрақтарымен қабылдау өткізді. Облыс əкімінің бұл кездесуінен толық ақпаратты газеттің келесі санынан оқитын боласыздар.  

Aq jol Aqparat қызметі