![Төрт газ баллоны шығарылды](https://aqjolgazet.kz/uploads/resized-images/2022/08/ort.png)
Төрт газ баллоны шығарылды
15 тамыз күні сағат 17.58-де «101» телефонына Сарысу ауданы, Саудакент ауылының Сұлтанғазин көшесіндегі тұрғын үйлердің бірінің шатырынан шыққан өрт туралы хабарлама келіп түсті. Дереу шақыру орнына Саудакент ауылындағы №11 өрт сөндіру бекетінің және Жаңатас қаласының №16 өрт сөндіру бөлімінің күштері мен құралдары жіберілді. Оқиға орнына келген өрт сөндіруші-құтқарушылар жағдайды сауатты бағалап, жедел сөндіруге кірісті. Олар өрт болған жерден қауіп төндірген 4 газ баллонын шығарды. Қызметкерлердің ортақ күшімен жалын сағат 19.00-де ауыздықталып, сағат 20.15-те толық жойылды. Өрт аумағы 150 шаршыметрді құрады. Қаза болғандар мен зардап шеккендер жоқ. Өрттің шығу себебі мен залалы анықталуда. Осы және өзге де түрлі сипаттағы төтенше жағдайлардың алдын алу мақсатында Жамбыл облысының төтенше жағдайлар департаменті балалар мен қарттарды үйде қараусыз қалдырмай, төтенше жағдайларға жол бермеу қажеттігін және өрт қауіпсіздігі ережелерін сақтаған жөн екендігін қатаң ескертеді. Сондай-ақ жазғы уақытта бақшаны тазалау кезінде қоқысты жағу барысында өрт жақын орналасқан тұрғын үйлер мен жапсарлас құрылыстарға таралмауын қатаң қадағалау қажет. Өрт немесе төтенше жағдай туындағанда шұғыл түрде «101» немесе «112» телефондарына қоңырау шалуды естен шығармауды сұрайды.
Облыстық төтенше жағдайлар департаментінің баспасөз қызметі.
Ұқсас жаңалықтар
Мойынқұм ауданының әкімі тағайындалды
- 6 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді