МЕРКІ АУДАНЫ Облыс әкімдігінің тілдерді дамыту басқармасы Меркі ауылында «Тіл – достықтың дәнекері» атты этнос өкілдерімен кездесу өткізді. Шараға этнос өкілдері көп шоғырланған аудандық этномәдени бірлестіктердің жетекшілері, тілді жетік меңгерген белсенді жастар, өңірдің тіл жанашырлары қатысып, жастарды қазақ тілін ана тіліндей жетік меңгеруге шақырды. Осы күні «Менімен қазақша сөйлес!» акциясы Меркі ауданында жалғасын тауып, оның аясында тілдерді дамыту басқармасының мамандары бірқатар сауда орталықтары, қоғамдық тамақтандыру орындары, дәріхана қызметкерлеріне ақпараттық түсіндіру жұмыстарын жүргізіп, әдістемелік көмек көрсетті

Жүрсінгүл ЖАҚЫП