![Қарағандыда тұрмыстық техника шығарыла бастайды](https://aqjolgazet.kz/uploads/resized-images/2022/08/whatsapp-image-2022-08-10-at-12.43.20.jpeg)
Қарағандыда тұрмыстық техника шығарыла бастайды
Қарағанды облысында теледидарлар, электр су жылытқыштар, шаңсорғыштар, ас үй плиталары, шағын пештер, ас үй сорғыштары, кір жуғыш машиналар және басқа да тұрмыстық техника шығарылады деп көзделіп, жылына 1,1 млн. дана өнім шығарылады деп жоспарлануда.
Қарағанды облысы әкімдігі баспасөз қызметінің мәліметінше, өңірде барлығы 212,7 млрд теңге сомасына 11 инвестициялық жоба, оның ішінде шетелдік капиталдың қатысуымен 5 жоба жүзеге асырылып жатыр. Оларды іске қосудың арқасында екі мыңға жуық тұрақты жұмыс орнын ашуға мүмкіндік пайда болады.
Саран қаласында қағаз негізіндегі санитарлық-гигиеналық өнім өндірісі жолға қойылады. Қазір шикізат шетелден сатып алынады, ал келешекте олар қағаз негізді өз бетінше дайындайтын болады. Есептеулер бойынша, бұл зауыттың қуатын жылына 21,4 мың тоннаға дейін арттыруға мүмкіндік береді.
Кәсіпорын моноқалаларды дамыту, «Бизнестің жол картасы» мемлекеттік бағдарламаларының қатысушы компаниясы 100 жаңа жұмыс орнын ашады.
Өңірде сонымен қатар катодты мыс өндірілетін болады. Жаңа зауыттың қуаттылығы – жылына 5 мың тоннаға дейін катодты мыс шығару. 140 жұмыс орны құрылады.
Сондай-ақ, жыл соңында «Татнефть» компаниясының қатысуымен және 1116 жұмыс орнын құрумен KamaTyresKZ шина зауытын іске қосу күтілуде.
Жалпы, бірінші жартыжылдықта жұмылдырылған инвестиция көлемі 264 млрд теңгеден асты. Жыл соңына дейін өткен жылға қарағанда 5,5 % өсіммен 732,5 млрд теңге инвестиция тарту жоспарланған.
![width=](http://aqjolgazet.kz/wp-content/uploads/2022/08/whatsapp-image-2022-08-10-at-12.42.13-300x133.jpeg)
Олардың бірі, импортты алмастырушы болып табылатын жоба, іске қосылды. Бұл «Сарыарқа» ЕЭА аумағында 30 жұмыс орнын құруды қарастыратын «АлтынАрна Geosynthetics» ЖШС геомембрана шығару жобасы, – деп атап өтті Өнеркәсіп және индустриялық-инновациялық даму басқармасының басшысы Мұрат Қыдырғанбеков.Оның айтуынша, жыл соңына дейін Балқашта сағатына 50 МВт-қа дейін қуат өндіретін күн электр станциясы іске қосылады. 20 адам жұмыспен қамтылады.
![width=](http://aqjolgazet.kz/wp-content/uploads/2022/08/whatsapp-image-2022-08-10-at-12.44.57-300x167.jpeg)
Ұқсас жаңалықтар
Мойынқұм ауданының әкімі тағайындалды
- 6 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді