Бірлік ауылдық округінің Қ. Рысқұлбеков орта мектебінде жастар арасында І аудандық спартакиадасы өткізілді. Спорттың 4 түрі бойынша өткен жарыста 8 команда 150 спортшы қатысты. Байрақты дода аса тартысты өтті. Шығанақ ауылының спортшылары қарсыластарын шақ келтірмеді. Олар жарыс барысында 288 ұпай жинап, жеңіс тұғырынан көрінді. ІІ орынды Бірлік ауылы, ІІІ орынды Жамбыл ауылдық округінің командасы жеңіп алды.