Аудандық мәдениет үйінде «Бейбітшілік пен келісімнің жол картасы» мегажобасының аясында «Менің Отаным - Қазақстан» атты фестиваль өтті. Әзірбайжан этномәдени орталығының ұйымдастыруымен өткен шараға аудандағы өзге де ұлттық мәдени бірлестіктердің мүшелері атсалысып, өнерлерін паш етті. Концерттік бағдарламаның кіріспесінде аудан әкімінің орынбасары Е. Аймамбетов сөз сөйлеп, бірлік пен ынтымақтың маңызы турасында тоқталды.