
Алаш ардагеріне тағзым
Сарысу аудандық кітапханасының ұйымдастыруымен Алаш ардақтысы Ахмет Байтұрсынұлының туғанына 150 жыл толуына орай «Бір ел – бір кітап» акциясы аясында жазғы оқылым өтті. Шараны аудандық орталықтандырылған кітапханалар жүйесінің директоры Айтбала Жолмаханова ашып берді. Жазғы оқылым аясында абонемент бөлімінің қызметкерлері Г.Сарманова, Л. Рахимбаева, коворкинг орталығының қызметкері Р.Қадырбекова тарихи тұлға туралы оқырмандарға мол мәлімет берді. Кітапхана оқырмандары және аудандық жастар ресурстық орталығының директоры С.Тоқбанов А.Байтұрсынұлының өлеңдерін оқыды.
Жоба аясында келесі кезекте «Өркендеген, көркем өлкем – Сарысуым» атты кітап көрмесінің таныстырылымы өтті. Ұйымдастырушылар жастарды, қаламыздың әр сала бойынша өркендеуіне атсалысуға шақырып, биылғы мерейтой иелеріне тоқталды. Кітапхана қызметкерлері кезекпен кезек өлке тарихын, өркендеу жолын, тұғырлы тұлғалары мен ақын- жазушыларды жиналған қауымға таныстырып отырды. Көрмеге 87 басылым қойылып, тұрақты оқырмандарға 24 кітап берілді.
Бегайым НҰРЖАНОВА.
Сарысу ауданы.
Ұқсас жаңалықтар
Салық түсімдерін қалай көбейтуге болады?
- 20 наурыз, 2025
Қазақ қызы – ұлттық болмыстың айнасы
- 8 наурыз, 2025
Ақпарат
Ақсақалдар тағылымы – адам қоғамның кепілі
- 18 сәуір, 2025
ҚАЖ қызметкерлері көпбалалы отбасыны қуантты
- 15 наурыз, 2025
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді