Сарысуда өзі иманжүзді, ептеп аңқаулығы да бар Жақып деген ағамыз болған еді. Аудан орталығынан алшақ орналасқан шаруашылықта (қазақ ауыл) партия комитетінің хатшысы болып тұрған кезінде, ол бюро (құрамы 5 коммунист, оның біреуі орыс ұлтынан) отырысын өткізеді. Сол кездің тәртібі бойынша сөзін орысша бастап: «Мы, здесь сидящие одни сметаны», деп жұртты ду күлдіріпті. Сөйтсе бюро мүшелерінің беделін арттыру үшін «сүттің бетіндегі қаймағымыз» дегенді өзінше аударып айтқан екен.