Өмір салтын өзгерту мен демалыс бас ауруын кетіруге көмектеспеген жағдайда, көпшілік өз бетінше дәрі қабылдап жатады. Алайда, ауырсынуды басатын дәрілік препараттар аурудың себебіне әсер етпей, тек бастың кернеп ауыруының белгілерінен ғана арылтатындығын есте ұстаңыз! Әдетте бастың кернеп ауыруының сирек жағдайларын (айына 5 ұстамаға дейін) емдеуге қабынуға қарсы препараттар қолданылады. Жалпы препараттың қолдану жөніндегі нұсқаулығына сәйкес толық дозасын дәрігер тағайындауымен қолданған абзал. 

Ауырсынуды басатын дәрілік заттарға сақ болыңыз! Бас ауруы кезінде ауруды басатын дәрілік заттарды ұдайы қабылдаудан аулақ болған жөн. Ауырсынуды басатын кез келген дәрілік затты, дәрігер тағайындаса немесе еркін саудада болса да, бас ауырған сәтте аптасына екі реттен артық қолдануға болмайды. Анальгин қабылдауға асықпаңыздар! Натрий метамизолын (Қазақстан Республикасында Анальгин, Баралгин, Спазмалгон препараттары тіркелген) 39 елде қолдануға тыйым салған немесе анафилактикалық реакциялар болған жағдайлар артып келе жатқандықтарынан, қан түзілуі қиындауына байланысты оны қолдану пациенттің ауыр жағдайымен шектелген (ДДҰ).

ҚИЫП АЛ ДА САҚТАП ҚОЙ Тегін дәрілерге өз құқықтарыңыз туралы, оларды дұрыс пайдалану, дәрілердің болуы мүмкін жанама әсерлері жайлы қосымша ақпаратты Сіз бірыңғай тегін телефон желісі – 8 800 080 88 87 арқылы, сондай-ақ, ДАТО ресми сайтынан – www.druginfo.kz біле аласыз.

Біздің қызметіміз Сіздерге арналады!

Дәрі-дәрмек ақпараттық-талдау орталығы ҚР ДСӘДМ «ДСДРО» ШЖҚ РМК