«Нұр Отан» партиясының «Қаратау» тау-кен өңдеу кешеніндегі бастауыш партия ұйымында кеніш, фабрика, цех басшыларының қатысуымен, кеңес мүшелерінің кеңейтілген отырысы өтті. Отырыста кешендегі бастауыш партия ұйымының бір жылдық жұмыстары, жемқорлыққа қатысты іс-шаралар, барлық цехтарда есеп беру-сайлау жиналыстарын ұйымдастыру, делегаттар сайлау туралы мәселелер қаралды. Отырысты кешендегі бастауыш партия ұйымының төрағасы А. Жақсылықов жүргізіп, баяндама жасады. Күн тәртібінде талқыланған мәселелер бойынша тиісті шешімдер қабылданды.