Кеше Мойынқұм ауданындағы Ұланбел ауылдық округіне қарасты Кіші Қамқалы ауылында Құралай сұлудың қайта жаңғырған кесенесі салтанатты түрде ашылды. Шалғай елді мекендегі тарихи оқиғаға облыс әкімі Кәрім Көкірекбаев қатысты. Кесененің құрылысына Мойынқұм ауданының тумасы, Тараз инновациялық-гуманитарлық университетінің ректоры, профессор Ерболат Саурықов демеушілік жасады. Ал құрылыс архитектурасының авторы, белгілі суретші Айдархан Сихаев. Ақын Иса Байзақтың поэмасына арқау болған Құралайдың тағдырына ешкім де бей-жай қарай алмайды.

(Бұл жөніндегі мақаланы газетіміздің келесі санынан оқисыздар).