Мен Ғайникен Айдарханқызын сонау 1978 жылдан білемін. Ол кезде Ғайникен апа облыстық партия комитетінің идеология жөніндегі хатшысы. Ал мен облыстық комсомол комитетінің хатшылығына жаңадан ұсынылған едім. Ғайникен апай маған қолдау білдіріп, сенім артты. Ол кісі өте іскер, талапшыл болатын. Ғайникен Айдарханқызының сөйлеген сөзі, жүріс-тұрысы, киген киіміне дейін бізге үлгі болатын еді. Ол облыстағы барлық зиялы қыздардың әпкесіндей болды. Айдарханқызынан біз көп тағылым, өнеге алдық. Біздің облыстың экономикалық-әлеуметтік дамуына Ғайникен Айдарханқызы өте көп үлес қосты. Талай қиын шақтарда елдің сөзін сөйлеп, қарапайым халық жағында бола білді. Қазіргі таңда ол кісі еңбегі елеулі, халқына қалаулы, сыйлы, мол парасат иесі атанып отыр. Ол кісіден тағылым алған жүздеген әйелдер облысымыздың түрлі саласына басшылық жасады, еңбекке қарқын берді. Олар Ғайникен апайдан алған тәлімімен әрқайсысы ондаған іні-сіңлілерге үлгі болды. Сондықтан бүгінгі таңда Ғайникен Айдарханқызының шәкірттері мыңдап саналады. Ол кісі бізге қашанда ұстаз. Ол кісінің өмір жолы бізге тағылым. Міне, бүгін мерейлі жасқа келіп отырған Ғайникен Айдарханқызын үлкен қуанышымен құттықтап, отбасына бақыт, амандық, қуаныш, шаттық тілеймін.
Бәтес Егембердиева, «Әулиеата демеу» корпоративтік қорының директоры.
Ұқсас жаңалықтар
Алматы – мәдениеттің мәйегі
- 19 қыркүйек, 2024
Жол саласында 219 жоба іске асырылған
- 19 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді