Жалпы, өз басым «Ақ жолдың» қоғамдағы орны ерекше әрі теңдессіз деп білемін. Газет – ол, өркениет тілімен түйіндесек – жылнама, қазақи қайырсақ – шежіре. Міне, өткен күндердің өз өрнегі басылымның сарғайған парақшаларында сайрап жатыр. Мен «Ақ жолға» басшылық еткен жылдар қоғамымызға нарықтық экономиканың дендеп еніп жатқан кезбен тұспа-тұс келді. Сол кездегі шығармашылық ұжым өтпелі кезеңнің асау өткелі, Жаңатас пен Қаратау сияқты өндірістік қалалар мен ажары тайған ауылдардың проблемалары туралы тереңінен жазды. Қалам қуатымен халықты жақсы күндердің келетініне сендірді. Нарық қыспағы қос бүйірден қанша қысып, жер-жерде жұмыссыздық жайлап жатса да біз редакциядағы негізгі кадрлар құрамын сақтап қалуға қол жеткіздік. Облыс әкімдігінің қолдауымен басылым шағын көлемнен үлкен форматқа көшіп, аптасына үш рет шыға бастады. Сонымен қатар жаңа дәуір талабына сай «Ақ жолдың» компьютермен беттеп, безендірілуі де осы жылдардың еншісінде. Ақ жолынан айнымаған «Ақ жолдың» бүгінгі беталысы айрықша атап өтуге тұрарлық. Мен оған қуанамын.
Ұқсас жаңалықтар
Алматы – мәдениеттің мәйегі
- 19 қыркүйек, 2024
Жол саласында 219 жоба іске асырылған
- 19 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді