Елорда – тәуелсіздігіміздің тұғырлы жемісі, халқымыздың мақтанышы. Жыл өткен сайын тотыдайын таранып, ажарланып келеді. Әлемге ел даңқын паш ететін «ЭКСПО-2017» халықаралық көрмесіне дайындық басталғалы Астана қаласы тіпті құлпыра түсті. Міне, соның барлығын өз көздерімен көру үшін аудан әкімі Қ.Мәдібектің демеушілігімен Астананың орасан өзгерістерін таяуда ауданның 30 ардагері барып, тамашалап қайтты.