Көкпардан ел чемпионаты басталды
Көкпар десе делебесі қозбайтын қазақ бар ма? Оның үстіне біздің «Әулиеата» көкпар клубының даңқы елімізге кеңінен мәлім. Сондықтан көкпардың жанкүйерлері үшін тағы бір қызық іс-шара басталғалы тұр. ҚР Президентінің Жолдауынан туындаған міндеттерді жүзеге асыру, жас ұрпақты Отанды сүюге тәрбиелеу, ұлттық өнерге құрметін арттыру мақсатында облыс әкімдігі дене шынықтыру және спорт басқармасының ұйымдастыруымен 21-30 сәуір аралығында көкпардан және аударыспақтан Қазақстан Республикасының ХХІ чемпионаты Әулиеата жерінде жалауын желбіретеді. Аталған чемпионат Тараздың іргесіндегі Бектөбе ауылының аумағында орналасқан «Атшабар» алаңында өтеді.
Жарысқа Нұр-Сұлтан, Алматы, Шымкент және барлық облыстардан құрама командалар қатысуда. Сондай-ақ 57 мен 100 килодан жоғарыларға дейінгі аралықта 8 салмақ бойынша аударыспақ ойыны да өтеді.
Кеше чемпионаттың арнайы ашылу салтанаты өтіп, онда ҚР Ұлттық спорт қауымдастығының вице-президенті Мұхтар Имашев бастаған құрметті қонақтар сөз алды. Олар қазақтың атамұра көкпарын дамыту ұлттық құндылықтарды дамыту екенін айтып, барлық құрамаларға сәттілік тіледі. Есет ДОСАЛЫ
Ұқсас жаңалықтар
Жауапкершілікті күшейтетін тарихи мүмкіндік
- 12 наурыз, 2026
101 шаруаға жеңілдетілген несие берілді
- 12 наурыз, 2026
Ақпарат
Нарша
- 2 наурыз, 2026
Жамбылдың жауһар жырлары
- 26 ақпан, 2026
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді




