Қалалық көп бейінді ауруханада облыстық денсаулық сақтау басқармасының басшысы Әсет Қалиев емдеу мекемесіне жаңадан алынған «Karl Storz» фирмасының жаңа лапароскопиялық құрылғысымен алғаш рет 62 жастағы науқасқа өт қабының холецистэктомиясы отасын жасады. Бұл аппарат мекемеге жаңадан алынып, енді қолданысқа енгізіліп отыр. Науқас өт қабының ауруы асқынып, қалалық ауруханаға жедел медициналық жәрдеммен жеткізілгенін де айта кеткеніміз жөн. Пациенттің отадан кейінгі жағдай жақсы. Өзін жақсы сезінетіндігін айтып, медицина ғылымдарының докторы, профессор Әсет Қалиевке алғысын білдірді. «KARL STORZ» - лапароскопиялық тіреуіш көпфункционалды лапороскопиялық аппарат. Оның көмегімен құрсақ қуысы ағзаларының және гинекологиялық, артроскопиялық, нейрохирургиялық операциялар жасалады.