Асар әдісімен 126 отбасы үйлі болады
Облыс әкімі Бердібек Сапарбаевтың төрағалығымен өткен аппараттық кеңесте «Асарлатып үй салу» әлеуметтік осал топтарды үймен қамтамасыз ету жобасының жүзеге асырылуы туралы облыстық құрылыс басқармасы басшысының есебі тыңдалды. Тиісінше бірқатар сын-ескертпелер де айтылды. Басқарма басшысы Ерлан Орынбаевтың ақпаратына сәйкес, аталған жоба аясында өткен жылы 99 үйдің жұмысы аяқталып, толықтай иелеріне тапсырылған және 21 құрылыс нысаны ағымдағы жылға өткен. Жоғарыда көрсетілген жұмыстарды жүзеге асыруға «Арайстроймаркет-2003» ЖШС және «KUSTO.HELP» қоры ерекше атсалысқан.
Атап айтар болсақ, ағымдағы жылдың бірінші тоқсанында Қордай ауданында бес үй, Т.Рысқұлов ауданында бір үй әлеуметтік осал отбасыларды қолдау мақсатында тапсырылған.
Сондай-ақ басқарма басшысы ағымдағы жылы облыс бойынша 126 отбасыға қажетті қолдау көрсету жоспарланып отырғандығы, оның ішінде 99 үй салынып, 21 нысан қайта жөндеуден өтетіндігін және қосымша 9 тұрғын үйді сатып алуға тиісті қаражаттың да бөлініп қойғандығын баяндады.
Игі істе бекітілген кестеден Тараз қаласы мен Жуалы, Меркі, Сарысу, Талас, Мойынқұм, Байзақ және Жамбыл сияқты аудандардың артта қалып отырғандығы да белгілі болды.
Облыс басшысы Бердібек Сапарбаев аудан әкімдері мен тиісті мекеме басшыларына қасиетті Рамазан айында жақсылық жасау жұмыстарын екі есе арттыруды тапсырып, аталған жұмыстың қарқынды түрде жүргізілуін қадағалауды, осылайша, өңірдегі әлеуметтік ахуалдың жақсаруына атсалысу қажеттігін қатаң ескертті.
Ұқсас жаңалықтар
Мейрамбек Беспаев үшінші рет әке атанды
- Бүгін, 12:26
Ақпарат
АЭС салсақ - электр энергиясын экспорттаймыз
- 22 қыркүйек, 2024
Қазір қолдағы телефонға да қуат керек заман - Қадырбеков
- 22 қыркүйек, 2024
Алматылық қос азаматтың жазасы жеңілдетілді
- 30 тамыз, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді