Былтыр Тәуелсіздік мерекесі қарсаңында еңбегі еленген бірқатар медицина қызметкерлері марапатталды. Ұлттық Медициналық Ассоциациясының «AVI VITAE» орденімен пандемия кезінде қайтыс болған дәрігерлер Айдар Мұқатаев, Ақылбай Арынов, «Алтын дәрігер» медалімен Дәулетбай Арынбаев, Үміткүл Келгенбаева, Гүлмира Қырғызалиева, Мұхтар Тұматаев және салада еңбек еткен басқа да медицина қызметкерлер «Мейірім», «Халық алғысы», «Еңбек Ардагері» медалімен, ҚР Денсаулық сақтау министрлігінің «Денсаулық сақтау ісінің үздігі» төсбелгісімен және ҚР денсаулық сақтау министрінің, облыс әкімінің Құрмет грамоталарымен, Алғыс хаттарымен марапатталды. Сондай-ақ пандемия кезінде еңбек еткен 120 медицина қызметкері марапатталды. Бұл марапат – істеген жұмысқа баға беру ғана емес, осы арқылы еңбек етуші азаматтың қарымын шыңдай түсу.