- Advertisement -

Той барлық өңірде болып жатыр — Бас мемлекеттік санитар дәрігер

30

- Advertisement -


Той барлық өңірде болып жатыр - Бас мемлекеттік санитар дәрігер

НҰР-СҰЛТАН. ҚазАқпарат – ҚР бас мемлекеттік санитар дәрігері Айжан Есмағамбетова той-жиындар болған жерде КВИ жұқтырғандардың саны өсіп кететінін жеткізді, деп хабарлайды ҚазАқпарат тілшісі.

«Халықты алдын алу шараларын сақтауға шақыруда шаршамаймыз. Әйтсе де көп адамның талаптарды сақтайтынын да атап өту керек. Десе де бүгінгі күні әлеуметтік желілер арқылы да, туған-туыстарымыздан естігеніміздей, халық әртүрлі той-жиынды – туған күндерді, еске алу рәсімдерін де өткізуде. Мұндай шаралар барлық өңірде болып жатыр. Осы жиындардан кейін өкінішке қарай бәрі де 100 пайыз — КВИ жұқтырып алатынын байқаймыз. Адамдар мұндай жиын-тойлардан келіп, вирусты үйіне таратады. Осылайша адамдар вирусты жүздеп жұқтыруда», — деді Айжан Есмағамбетова ОКҚ-дағы баспасөз мәслихатында тілшілердің сұрағына жауап бере отырып.

Оның айтуынша, инфекция қоғам ішінде осылай таралуда.

«Бәріміз де қарапайым ережелерді сақтамай, індеттің кең тарауына жол беріп отырмыз. Сол себепті тағы да айтарым: коронавирусты жеңу – өзімізге байланысты. Әрбіріміз қаншалықты ережені ұстана білсек, соншалықты індетті тез еңсереміз», — деді ол.

kazinform.kz

Comments are closed.

Page Reader Press Enter to Read Page Content Out Loud Press Enter to Pause or Restart Reading Page Content Out Loud Press Enter to Stop Reading Page Content Out Loud Screen Reader Support