Бірінші маусымнан бастап өңірдегі блок-бекеттердің барлығы алынды. Облыстық полиция департаментінің басшысы Жанат Сүлейменов Жуалы ауданында осындай бекеттің алыну рәсіміне қатысты. Ол тәулік бойы аянбай еңбек еткен полиция және медицина қызметкерлеріне, әскери қызметшілер мен еріктілерге тұрғындардың денсаулығы мен қауіпсіздігін сақтаудағы қажырлы қызметі үшін алғысын білдіріп, салтанатты түрде алғыс хаттар табыс етті. Жуалы аудандық орталық ауруханасының аға мейірбикесі Алма Жұмамұрат пен волонтер Шолпан Жалғасбай блок-бекетте қызмет еткен қиын уақыттарда көрсеткен жан-жақты қолдау мен қамқорлығы үшін әріптестеріне алғыс айтып, жылы лебізін білдірді. – Карантин жағдайындағы жұмысымызға түсіністікпен қарай білген тұрғындарға ризамыз және де бізге қолайлы жағдай жасап, еңбегімізді бағалағаны үшін ІІМ министрі Ерлан Тұрғымбаевқа алғысымызды айтамыз, – дейді Жуалы АПБ ЖПҚб аға учаскелік полиция инспекторы Ержан Саурықов. Деректерге сүйенсек, 31 наурыздан 30 мамырға дейінгі аралықта облыстағы блок-бекеттер арқылы 800 мыңнан астам азамат және 700 мың көлік өткен. Карантин кезінде облыстық және аудандық блок-бекеттерде барлығы 216 полицей, 115 медицина қызметкері, 112 әскери қызметші және 37 әкімшілік қызметкер жұмыс істеді. Блок-бекеттегі жұмыс уақытының соңғы сағаттарында көп уақыттан бері жақындарын көрмей енді отбасыларына оралғалы тұрған полиция қызметкерлерінің қуанышты екендіктері жүздерінен аңғарылып тұрды.
«Aq jol-Aqparat».
Ұқсас жаңалықтар
АЭС: қоғам пікірі ескеріледі
- 5 қыркүйек, 2024
Буллер болу өзгеден бұрын өзімізге зиян
- 3 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді