Францияда 33 жастағы азамат 73 күннің ішінде бұрынғы қызына 21 807 рет телефон шалып, смс хабарлама жіберген.

Азамат бұрынғы құрбысын пәтеріне жөндеу жұмыстарын жасап бергеніне рахмет алу үшін мазалай берген. Сол үшін жергілікті сот оған 1 300 доллар көлемінде айыппұл салып, жарты жылға бас бостандығынан айырды. Сондай-ақ оған бұрынғы құрбысымен сөйлесуге тыйым салынды және психиатриялық емдеуден өтуге міндеттелді. 2011 жылы сотталған жігіт қызы тастап кеткеннен кейін депрессияға ұшырап, ауруханаға түскен екен. Қыз жігіттің қоңырауларын елемей қойғаннан кейін, ол ата-анасының мазасын алуға кіріскен. Осының бәрі таныстары арнайы кездесу ұйымдастырып, қыз жігітке көмегі үшін рахмет айтқаннан кейін ғана тыныпты.