- Advertisement -

Қасым-Жомарт Тоқаев Президенттің Ауғанстан бойынша Арнайы өкілін қабылдады

39

- Advertisement -

Мемлекет басшысы ауған процесін реттеу жұмыстарын жандандыруды ескере отырып, Ауғанстан бойынша Арнайы өкілдің тиімді қызметінің маңыздылығын атап өтті. Президенттің пікірінше, аталған елде берік бейбітшілік орнату мәселесі Қазақстанның ұзақ мерзімді ұлттық мүддесімен сай келеді. Сонымен қатар Орталық Азияда тұрақтылық пен қауіпсіздікті нығайтуға ықпал етеді. Бұл туралы Ақорданың баспасөз қызметі хабарлады.

– АҚШ пен «Талибан» қозғалысы өкілдерінің арасындағы келісімнен кейін Ауғанстанға қатысты геосаяси жағдай жаңа кезеңге аяқ басты. Ауғанстан мен оның төңірегіндегі қазіргі үрдістердің қарқынын жіті бақылап, бұл елдегі ұлттық келісім мен қайта қалпына келтіру процесіне көмектесу керек, – деді Қасым-Жомарт Тоқаев.

Қазақстан Президенті Арнайы өкілге ауған проблемасы бойынша екіжақты форматта және көпжақты келіссөздер механизмдері аясында шетелдік серіктестіктермен бірлесе отырып, тығыз жұмыс істеуді тапсырды. Бұл терроризм, экстремизм, заңсыз миграция және есірткі тасымалы сияқты қауіп-қатерлерге қарсы күрес тұрғысынан алғанда да маңызды саналады.

Мемлекет басшысы Қазақстанның ауған бағытындағы сауда-экономикалық мақсаттарын мейлінше белсенді түрде іске асыру керек екенін атап айтты.

egemen.kz

Comments are closed.

Page Reader Press Enter to Read Page Content Out Loud Press Enter to Pause or Restart Reading Page Content Out Loud Press Enter to Stop Reading Page Content Out Loud Screen Reader Support