Аудан әкімдігі ішкі саясат бөлімінің ұйытқы болуымен Шу қалалық Мәдениет үйінде «Ата Заңым – айбыным!» атты аудандық ән байқауы өтті. Байқауға 4 аталым бойынша ауданның 14 және 24 жас аралығындағы 10 үміткер қатысып, бақ сынады. Мәнді өткен байқауда Қорағаты ауылдық округінің өкілі Ерболат Уәтай бірінші орынға, шоқпарлық Бағдат Рланов екінші, жүлделі үшінші орынға Ақтөбе ауылдық округінен қатысқан Мәди Жапар ие болды.