Облыстық прокуратура өңірдегі әлеуметтік-экономикалық салада жарты жылдың ішінде 12 мыңнан астам заң бұзушылықты анықтап, бір миллиардтан астам теңге мемлекет пайдасына өндірген. Аталған мерзімде 51 мыңнан астам азаматтың конституциялық құқығы қорғалып, он бір мың жұмысшыға 430 миллион теңгеден астам айлық жалақылары өтелген. 3,5 мың адам түрлі жауапкершілікке тартылса, 36 қылмыстық іс қозғалып, 34 нормативтік-құқықтық актілерге өзгерістер енген. Бұл туралы журналистермен өткен брифингте облыс прокурорының орынбасары Берік Құлтасов мәлімдеді.