Математика бойынша әлемдегі ең танымал (атағы Нобель сыйлығымен пара-пар) Филдс сыйлығын 78 жылдық тарихында алғаш рет әйел адам еншіледі. Оның есімі – Мириам Мирзахани. Иранда туған. 2008 жылдан бері Стэнфорд универ-ситетінде (АҚШ, Калифорния) сабақ береді. Профессор. «Филдс» 4 жылда бір рет 40 жасқа дейінгі ғалымдарға берілетін математика ғылымының ең жоғарғы сыйлығы. Оның жүлдесі 15 мың Канада долларын құрайды (1 Канада доллары - 0,92 АҚШ долларына тең). Жеңімпаз өзінің бұл жеңісі жас ғалым қыздарды қуаттандырып, ғылымға деген қызығушылығын арттыра түседі деп сенім артатынын айтты.