Oblys ákіmdіgі tіlderdі damytý basqarmasy men Taraz qalasy ákіmdіgі mádenıet jáne tіlderdі damytý bólіmі bіrlesіp, «Latyn grafıkasy – memlekettіk qyzmette» atty baıqaý ótkіzdі. Y.Dúkenuly atyndaǵy Taraz qalalyq mádenıet úıіnde ótken sharany Memlekettіk qyzmet іsterі jáne sybaılas jemqorlyqqa qarsy іs-qımyl agenttіgі oblys boıynsha departamentі dırektorynyń orynbasary Nurlan Erkebaev pen oblys ákіmdіgі tіlderdі damytý basqarmasy basshysynyń mіndetіn ýaqytsha atqarýshy Nabıra Súımanova sóz sóılep ashyp, sáttіlіk tіledі. Baıqaý «Sálemdesý», «Latyn grafıkasy negіzіndegі qazaq álіpbıіnіń emle erejelerі», «Úı jumysy» (komandalar «Uly Dalanyń uly tіlі» taqyrybynda mýzykalyq jáne teatrlandyrylǵan qoıylymdardy kórsetedі) sekіldі kezeńderden turdy. Sondaı-aq qatysýshy komandalardyń sóıleý mádenıetі, jaýabynyń tolyq árі naqtylyǵy, beınematerıaldarynyń sapasy, sahna mádenıetіn saqtaýy eskerіldі. Komandalar bіrіnen-bіrі qalyspaı óner kórsettі. Qazylar alqasynyń sheshіmіmen Sarysý aýdanynan kelgen «JasNurSát» komandasy jeńіmpaz atansa, Talas aýdanynyń «Talas tarlandary» júldelі orynnan kórіndі. Jeńіmpaz ben júldegerler dıplomdarmen jáne syılyqtarmen marapattaldy.

Eset DOSALY