Ықылас Дүкенұлы атындағы қалалық мәдениет үйінде мүмкіндігі шектеулі жандар арасында «Бәріміз бірдейміз – кемсітуді білмейміз» атты байқаудың Тараз қаласы бойынша іріктеу кезеңі болып өтті. Байқауға қатысқан 43 үміткердің арасынан Анжелика Сарян, Гүлнұр Қандашбекова, суда жүзу спортынан халықаралық жарыстардың жеңімпазы, І топтағы мүгедек Зульфия Габидуллина, Қайрат Абдуллаев, Талғат Аманбеков, Аружан Тілеулесова, Шолпан Сұранбаева сынды қатысушылар әр номинация бойынша үздік атанды. Енді олар алдағы облыстық байқауда өнер көрсетеді.