2019 жылдың 20 сәуірінде Жамбыл аудандық полиция бөлімінің 102 тетігіне Тараз қаласының тұрғыны Александр Ан қоңырау шалып, 80 жастағы әжесі Вера Кимнің саңырауқұлақ теріп жүріп жоғалып кеткендігі туралы, сондай-ақ өздерінің 4 сағат бойы іздестіріп таба алмай жатқандығын хабаралаған. Осы хабарлама бойынша Жамбыл ауданының полиция бөлімі қызметкерлерімен жүргізілген жедел іздестіру іс-шараларының нәтижесінде 80 жастағы қарт ана В.Ким Жамбыл ауданына қарасты «Күйік» тауының бөктерінен табылып, туысқандарына табысталды.