Жаңалықтар
Оралда қаскүнемнің сатушыға пышақ салған сәті видеоға түсіп қалған
- author «Ақ жол»
- 27 наурыз, 2019
- 149
Оралда қаскүнемнің сатушыға пышақ салған сәті видеоға түсіп қалған
Оралдағы ұялы байланыс салонына жасалған шабуыл туралы тың деректер шықты. Желіде жарияланған видеода дүкенге келуші сатушыға бірнеше рет пышақ сұққаны көрінеді. 31 жастағы кәсіпкер әлі де ауыр жағдайда жатыр, - деп хабарлайды Tengrinews.kz тілшісі.
Видеодан 23 наурызда "Мобильник" ұялы байланыс салонына ер адамның кіргенін көруге болады. Ол сатушымен сөйлесіп, телефондар мен оның аксессуарларын көрсетуді сұрайды. Сатушы артқа бұрыла бергенде қаскүнем пышағын шығарып, беліне бірнеше рет сұққан. "Оған дейін қылмыскер дүкенде 40 минут бойы жүрген. Телефон таңдап жатқандай болыпты. Ол сатушының арқасынан екі рет пышақтап, қарап тұрған телефонын алған да, қашып кеткен. Ер адам осындай қылмысы үшін үш рет сотталғанын білдік. Ол бұл шабуылға дайындалған", - деді зардап шегушінің танысы Владимир.
31 жастағы сатушы қалалық көпсалалы аурухананың жан сақтау бөліміне жеткізілді. Дәрігерлер оның өмірі үшін төрт сағат бойы арпалысты. Пациенттің қолқасы зақымданып, көп қан жоғалтқан.
"Науқасқа ота жасалды. Жағдайы ауыр. Хирургия бөліміне ауыстырылды. Өзіне келді, өзі дем ала алады", - дейді қалалық көпсалалы аурухана директорының орынбасары Бақтияр Ташкенбаев.
Полицияда ҚР Қылмыстық кодексінің 192-бабы, 1-бөлімі бойынша сотқа дейінгі тергеу жүргізіліп жатқанын хабарлады. Ұсталған күдікті полиция басқармасында уақытша ұстау изоляторына орналастырылды.
Ұқсас жаңалықтар
Ақпарат
АЭС салсақ - электр энергиясын экспорттаймыз
- 22 қыркүйек, 2024
Қазір қолдағы телефонға да қуат керек заман - Қадырбеков
- 22 қыркүйек, 2024
Алматылық қос азаматтың жазасы жеңілдетілді
- 30 тамыз, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді