Желіде жол апатының салдары түсірілген видео тарап, бейнеролик авторы апатқа кінәлі - полиция қызметкері екенін айтқан. Ақпаратты ҚР ІІМ баспасөз қызметі растап отыр, деп хабарлайды Zakon.kz. Минситрдің кеңесшісі, ҚР ІІМ ресми өкілі Нұрділдә Ораздың хабарлауынша, ЖКО 23 ақпан күні Алматыдағы Жансүгіров көшесінде орын алған. Жол апатына Алматы қалалық Полиция департаменті Жергілікті полиция қызметіне қарасты патрульдік полиция полкының полиция қызметкері кінәлі болған.

- Қуанышқа орай, жол апатының нәтижесінде адамдар зардап шеккен жоқ. Кінәлі адам ҚР ӘҚБк 608-бабының 3-тармағына (Жүргізушінің көлік құралын алкогольдік ішімдікке мас күйде басқарып, көлік құралының зардап шегуіне әкеліп соқтыру) сәйкес әкімшілік жауапкершілікке тартылды. Қазіргі таңда аталған қызметкер полицияда жұмыс жасамайды, Департамент бастығының бұйрығымен ол 23 ақпан күні ішкі істер органдарынан қуылды, - деді Нұрділдә Ораз.

Ескерту! Видеода былапыт сөздер айтылады!

Дереккөзі;zakon.kz