Сарыкемерде Әлмахан Исабаев деген әнші, өнерпаз азамат тұрады. Сөзшеңдігі, тапқырлығы да бар. Бір жолы таңғы сағат 5-те Әлмаханның үйінің есігі қағылады. Келіп тұрған ақын Қасқырбай Нарбатыров екен. – Әлмахан інім, айналайын. Бір жағдайларды ойлап, құлазып, үйімде жата алмадым. Дөңбекшіп жата алмай, айға қарап ұлығым келді. Сырласайын, ішімдегі сырды шығарайын деп саған келдім. Айып етпе, – дейді Қасекең. Сонда әзілі қалмайтын Әлмахан: – Қасеке, Қасқыр аға, оныңыз дұрыс. Ұлу сіздің қолыңыздан келеді ғой, – деген екен.