Сөз қадірін білетін, алдына келген адамға қолұшын созатын әкім туралы жазғанды жөн көрдім. Мен осыдан бірнеше жыл бұрын Меркі ауданы әкімінің алдына барып, жер тегістейтін трактор сұрадым. Әкім менің көзімше мекеменің бастығына телефон шалып, «менің алдыма Әшен деген зейнеткер келіп отыр, жер тегістейтін тракторыңды сол кісінің үйіне жібер» деді. Ал мекеме бастығы әкімге трактордың бұзылып тұрғанын және жүрген соң жіберетінін айтты. Содан кейін тракторды жиырма күндей күттім, келмеді. Аудан әкіміне екінші рет барып айтқаннан кейін ғана бұл тапсырма орындалды. Аудан әкімі менің бір ауыз сөзімді жерге тастамай көмектескеніне риза болдым.

Әшен ҚЫРҒАБАҚҰЛЫ, зейнеткер.

Меркі ауданы.