Сом білек. Хопкинс Головкинмен жұдырықтасу үшін салмақ тастаймын дейді
- author «Ақ жол»
- 5 тамыз, 2014
- 185
Кәсіпқой бокс шаршы алаңында Бейбіт Шүменовті жеңген америкалық былғары қолғап шебері Бернард Хопкинс Геннадий Головкинге қарсы кездесу өткізуге дайын екенін мәлімдеді. Бернардтың біздің Генадан жасы да, салмағы да үлкен. Бірақ, ол қазақ боксшысымен жұдырықтасу үшін салмақ тастауға әзір көрінеді. Негізі 49 жастағы америкалық боксшы келесі шайқасын қараша айында ресейлік Сергей Ковалевқа қарсы өткізеді. Хопкинс осы жекпе-жектен кейінгі қарсыласының Андре Уорд немесе Геннадий Головкин болғанын қалап отыр. Ал біздің жігіт WBC тұжырымдамасы бойынша орта салмақтағы әлем чемпионы Мигиел Коттомен кездескісі келетінін айтады. Боксшының бапкері Фредди Роучтың айтуынша, Котто үшін қазақ боксшысынан гөрі WBC және WBА тұжырымдамасы бойынша бірінші орта салмақтағы әлем чемпионы мексикалық Сауль Альвареспен кездесу өткізген маңызды екен. Мигел соңғы шайқасында (WBC тұжырымдамасы бойынша орта салмақтағы әлем чемпионы) аргентиналық боксшы Серхио Мартинесті чемпиондық атағынан айырған болатын.
Ардақ Үсейінова,
«Ақ жол».
Ұқсас жаңалықтар
Әулиеаталықтар айтулы аламанда атой салды
- 16 қыркүйек, 2024
Қазақ жігіті Америкада топ жарды
- 11 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді